ငါး

တစ်ဘ၀လုံးလိုလို ...
ငါးရယ်လို.တစ်ကောင်တလေမှမမိ ..
ကြည်. ။
မိမဲ.မိတော. လည်း .....
စကြာဝဠာ ကြီး ။
အပေါ်ဆွဲတင်လိုက်တော. ...
ငါ.ငါးမျှားတံဟာ ကိုင်းညွတ်ပြီး ..
သက်တန်.ဖြစ်သွား ။
ငါ.ကိုပြန်မျှားခဲ. ပေါ. ။

မောင်ချောနွယ်

မိမိကိုယ်မိမိခိုးယူခြင်း

(၁)

သံစူးထားတဲ. ၂၅ နှစ်သားလေး
ကောင်းကင်နှစ်ထပ်နဲ.နေတယ်။

(၂)

သံမံတလင်းတွေကွဲအက်
တစ်ချက်ခြင်း
အသက်ရှူသံတွေသွန်ပစ်နေတာ
အမေရေ ...
ကျွန်တော်နဲ.ကျွန်တော် ..
မိုင်ပေါင်းများစွာ ဝေးရ ..
ကျွန်တော်နဲ. ကျွန်တော် ..
နှစ်ပေါင်းများစွာ ခွဲခွာရ .
အိပ်မက်တွေ
တစ်ချို.မွေးကင်းစမှာသေဆုံး
အားလုံးအတွက်
ကျွန်တော်ကိုယ်လွတ်ရုန်းသွားတာလား။

(၃)

တစ်ခါမှ
မရောက်ဖူးတဲ. မနက်ဖြန်
မျက်လုံးထဲက တောင်တွေဆီ
သွားဖို.
အခေါက်ခေါက်အခါခါ အမှောင်များ
ဘယ်လို ခုတ်ထွင် လင်းကျင်းပ
(ရိပ်ခနဲ)
မြေကြီးပေါ်မှာ
ငှက်တစ်အုပ်
ကျပ်ကျပ်တည်းတည်း
ပျံသန်းသွား။

ကေဇော်(မန္တလေးသိန်းဖော်)

လွင်.မျော

နာရီတွေလွင်.မျော...
လေညင်းတွေလွင်.မျော ..
သက်တန်.တွေ လွင်.မျော ..
အပြုံးတွေလွင်.မျော ..
ပြက္ခဒိန်တွေ လွင်.မျော .
ခြေရာတွေ လွင်.မျော ..
လွင်.မျောနေတာကလွဲလို.
ဘာကမှ ခံစားမရ ..
ဘ၀ဆိုတာ လွင်.မျောရာ..
လွင်.မျောခြင်းနောက်
ကောက်ကောက်ပါအောင်လိုက် ..
မောင်.ကိုမေ.ချင်လို.ပါကွယ် ..
ဟောသမှာ တောင်ပံတစ်စုံ
လေဟုန်နဲ.မျောလွင်.
လွှင်.လိုက်စမ်း .. ရွက်တွေကိုဖွင်.
တံခါးတွေကိုဖွင်. ..
လဟာပြင်ကိုဖွင်.
လွင်.မျောခြင်းရဲ.အဆုံးကိုရှာ ..
ဒီမှာ ..
အာကာသရေ ..
လေမဲ.ပေါ.ပါးခြင်းထဲ
ပျံဝဲလို. ..
အပြင်းထန်ဆုံး ပေါက်ကွဲစမ်းပါရစေ ..။

မေငြိမ်း

ရန်ကုန်တက္ကသိုလ် စိန်ရတုထုတ်
အိပ်မက်တွေကိုချည်တဲ.ကြိုး ကဗျာစာအုပ်မှ ကူးယူဖော်ပြပါသည်။

တောင်

ဒီတောင်ဟာ ငါမနားတမ်းတက်ရမဲ.တောင်
ဒီတောင်တက်တဲ.လမ်းမှာ ..
ချုံနွယ်တွေကိုခုတ်ထွင်ရှင်းလင်းဖို. ငါ.မှာဓါးတစ်လက်ရှိတယ်။
ငါ.မိဘကပေးခဲ.တဲ.အဲဒီဓါးတစ်ချောင်းပေါ.။
ဓါးကောင်းတစ်လက်ဟုတ်ချင်မှဟုတ်မယ်။
သံထည်တော.ညံ.ချင်ညံ.လိမ်.မယ် ။
သံချေးတော. အတက်မခံဘူး။
ဒီတောင်တက်တဲ.လမ်းမှာ ..
ငါချစ်တဲ.သူ မရှိဘူး ။ ငါမုန်းတဲ.သူမရှိဘူး။
ရေငတ်တဲ.သူ ကို ငါ. ရေထဲက ခွဲဝေတိုက်မယ်။
ပင်ပန်းတဲ.သူကို ငါ ဖေးကူမယ်။
ဒါပေမယ်. ဘယ်သူ.မှငါ.ကိုတွဲမခေါ်ရဘူး။
ဒီတောင်ပေါ်ကို ငါ.ထက်အရင်ကြို ရောက်တဲ.သူတွေရှိမယ် ..
ငါ.ထက် လွယ်လွယ်ကူကူရောက်ခဲ.တဲ.သူတွေရှိမယ်။
ကိုယ်တိုင်တက်စရာမလိုပဲနဲ. အထမ်းစင်ပေါ်မှာအိပ်ရင်း
ရောက်ခဲ.တဲ.သူတွေ ရှိမယ်။
ဓါးတစ်ချောင်းတောင်မပိုင်ပဲ ၊ လက်တွေပေါက်ပြဲအောင်
ကုတ်တွယ်တက်ခဲ.ရတဲ.သူတွေရှိမယ်။
ဒါပေမယ်. ငါသူတို.ဖောက်တဲ.လမ်းကို မလိုက်ဘူး။
ဒီတောင်ပေါ်ကို လုံးဝ မရောက်ခဲ.တဲ.သူတွေရှိမယ်။
တောင်ကိုကြည်.ပြီးလှည်.ပြန်သွားတဲ.သူတွေရှိမယ်။
လက်လျော.ပြီးတောင်အောက်ပြန်ဆင်းသွားတဲ. သူတွေရှိမယ်။
ရောက်ခါနီးမှာ ၊ အမောဖောက်သွားတဲ.သူတွေရှိမယ်။
သူတို.အကြောင်းကိုငါ တွေးစရာမလိုဘူး။
ဒါပေမယ်. ငါ ချောက်ထဲကိုတော. မကျစေရဘူး။

ဗျတ်ဇ
(ကိုယ်.ကိုကိုယ်အားပေးသည်)

ပန်းတိုင်

မရောက်သေးရင်
ရောက်အောင်သွား
ရောက်ရင်တစ်ထောက်နား
အဲဒီမှာဘာမှမရှိဘူး ။

ကေဇော် (မန္တလေးသိန်းဇော်)

မနှင်းဖြူ

“ တစ် ”
ချစ်သူ
သင့်နှလုံးသားသည်
ပျားသို့ချို၏။
သို့ပြီးတကား
ဓားသွားမူ ထက်စွာ၏ .. ။

“ နှစ် ”
ဆောင်းဦးပေါက်ညများရဲ့
ပွင့်ဦးနှင်းဆီဖြူဟာ၊ ငါ့သခင်မ
ငါ့ဘ၀ရဲ့ ကိုယ်ပွားအသက်ပါ။
မင်းဘ၀နဲ့ ငါရှင်သန်တယ်။
ပျိုရွယ်ခြင်း၊ ချိုမြတဲ့အဆိပ်
အိပ်ရာဝင်ပုံပြင်ထဲက
နတ်သမီးတစ်ပါးရဲ့ အလှကို ငါမှတ်မိခဲ့ပြီ။
ဒီဇင်ဘာမှာ နှင်းကျတယ်
တစ်လလုံးပါပဲ
ပထမဆုံးနှင်းပွင့်ကတော့
သူပေါ့ကွယ်၊ ဆွတ်ဆွတ်ဖြူဖြူ
ငန်းမွှေးတောင်သွင်တူသော
နူးညံ့ချောနုခြင်းနဲ့ ငါ့ရဲ့အသက်
အိပ်မက်အပြုံးရှင်ပေါ့ ၊ သူ ....
“ မနှင်းဖြူ ” လေ။

“ သုံး ”
“ မနှင်းဖြူ ”
မင်းဘယ်သူလဲ ..
ငါကလွဲလို့ ၊ မင်းတောင်မှမသိ
မြတ်နိုးမိသူပါ။ သူဟာ ...
ငါ့ဘ၀ရဲ့ ပထမဦးဆုံး
နှင်းဖုံးတောင်တန်းများရဲ့ နတ်မိမယ်
သံယောဇဉ်အနွယ်များရဲ့ မိခင်
ပွင့်ဦးသခင် ဆိုနိုင်ပါရဲ့။
နွဲ့လျတဲ့ခြေလှမ်းများ
ငါ့နှလုံးသားမှာ ..
ဒဏ်ရာထင်အောင် ပြင်းထန်ခဲ့ ၊ ကဲ ...
ဒီလိုဘယ်သူသိမလဲကွယ်။

“လေး”
ဆောင်းညရဲ့ နှုတ်ခမ်းအစွန်းမှာ
လမ်းများပေါ် “ငါ ” တေးသီခဲ့တယ်
နားမလည်နိုင်တဲ့ ခံစားမှုဘ၀
တေးချင်းမှာ စတည်ခဲ့ပေါ့။
ဖျော့တော့တဲ့လရောင်သွန်းချိန်
မှိန်ပြာပြာ နှင်းစက်ကြွေသံလို
ကောင်းကင်ငိုနေရဲ့ ၊ အို .. အလှ
မင်းကို တမ်းတလို့ ..
“ကိုစောငြိမ်း” ရဲ့ “ပွင့်ဦး”
ငါဆိုခဲ့ဖူးပြီ .. ။

“ငါး”
ဟောသည်မှာ အချစ် ..
ကဗျာလိုလှတဲ့ ပန်းပွင့်၊ သစ်ရွက်
စက်နဲ့လုပ်တာမဟုတ်။
မင်းအတွက်ပဲ သည်မှာ
နုံချာပေမယ့် လတ်ဆတ်တဲ့နှလုံးသား
ဥပက္ခာမထားစေချင်
အရှင် .. သခင် ..
သစ်ခက်ပလ္လင်မှာစံ၍
တေးချင်းကို နာခံ
မိုးယံ၌ပြည့်သော ပီတိနှင့်
တင့်တယ်စေပါမည်။

“ခြောက်”
လုံမရဲ့ အကြည့်
နေထိတဲ့ ပန်းပါပဲ၊
ညိုးလျော်ဆဲအပြုံးဟာ
ပြည့်ဝပါပေရဲ့
စောင့်စားသူ နေပူမှာရပ်လို့
မင်းကို စောင့်ဖို့ ငါအသက်ရှင်တယ်။
သစ်ပင် ၊ တောတောင် ၊ နေရောင် ..
ငါ့သခင် အောင်နိုင်တယ်။
ဘယ်သူငြင်းမလဲ အိုအချင်းတို့
အို .. အမျိုးကောင်းသားတို့
ငါ့အားခွင့်လွတ်ကြပါလေ ..
အချစ်စေကျွန်ဖြစ်တယ်။
ဇာမဏီငှက်၏ တင့်တယ်ခြင်းဖြင့်
ကြယ်ပွင့်တို့ကို နွံ၌နစ်စေသူ ..
ချစ်ခြင်း ၊ မုန်းခြင်း ၊ ဥပက္ခောနှင့် ခံယူမှု
ပန်းနုကျောက်ဆစ်အသွင်
မြင်သူတိုင်းအား အကြည့်ဖြင့်သိမ်းပိုက်သူ .. ။

“ ခုနှစ် ”
အို .. ချစ်သူလုံမ
ပထမဘ၀မှာ တွယ်ငင်သော
သံယောဇဉ်ပိုင်စိုးသူ
နှင်းမြူသည်းပွတ်၊ ဆွတ်ဆွတ်ဖြူစင်၍
အိပ်မက်အငွေအသက်ပမာ
ငါမြတ်နိုးသူ .. ငါ့အား ..
သနားသဖြင့် ဥပက္ခာသစ်ရိပ်မှ
ဖဲကျဉ်ခွင့်ရစေပါ။ ငါ့အား ..
ဝါမျှင်ဂွမ်းစကဲ့သို့ ချီမ၍
သင့်အနမ်း၍ကြွေသော ပန်းပွင့်ရေအိုင်ထက်
သက်စေပါဘိ။
သက်ရွက်လောင်းလှေဦးတွင်
သခင်မစံပါ။
ကဗျာသစ်ခက်ဖြင့်ပြုသော
လှော်တက်ကို ငါကိုင်မည်။
အောင်နိုင်ခြင်းနှင့် ဒဏ်သင့်သောငါ့အား
အသာယာဆုံး တိတ်ဆိတ်ခြင်းဖြစ်သည့်
အချိုမြိန်ဆုံးတေးချင်းကို
ဆိုခွင့်ပြုပါ ၊ ထိုအခါ ..
ကမ္ဘာမြေသည် သခင်မအပြုံး၌ပွင့်သော
ဆည်းဆာပန်းပွင့်သစ်၏
နှစ်ချို့ စပျစ်အရက်ပမာ
ငါမူးယစ်စွာ မွေ့ပျော်စေလိမ့်မည်။

“ ရှစ် ”
အားလုံးပြီးဆုံးသွားခဲ့ပြီ ..
“ မနှင်းဖြူ ”
အားလုံးပြီးဆုံးသွားပြီလေ၊
အခုတော့ ......

“ကိုး”
မြစ်တစ်စင်းမှာ သူ .. ငါ ..
နှစ်ခါရေမချိုးနိုင်
စီးဆင်းနေဆဲ အချိန်စက်ဝန်း
ပုံတူသွန်းလုပ်၊ အရုပ်ဆင်းတု
ပြုစုသူမဲ့ပေရဲ့ .. ။
ပစ္စုပ္ပန်မဲ့သောအခါ
အနာဂတ်မတည်စွမ်းသာ
သည်သို့ .. သံသရာရှိလျှင်အဆုံး၊ ငါမို့ဖြစ်ရင်း
ချစ်ခြင်းအပ မြဲစေ ..
ကျိန်စာဆိုခဲ့လေသလား
အို .. နတ်ဘုရားတို့ ။
အို .. ပိုင်ဆိုင်သူတို့ ။

သျှပ်မှူးကျော်

ရေပြင်

ကိုယ်.ဘာသာကိုယ် အိနြေ္ဒရရ ကြည်လင်နေမလို.ပဲ ။
ခန်.ခန်.ညားညား တည်ငြိမ်နေမလို.ပဲ ..။
ခဲလုံးတွေကိုက ပြုတ်ပဲပြုတ်ကျနိုင်လွန်းတယ်။
လှိုင်းတွေခဏခဏထရလွန်း လို. ..
ကိုယ်.ရင်ဘတ်ကိုတောင်အားနာလှပြီ။

ဗျတ်ဇ

ခင်

A

ကျွန်တော်သည်
ခင့်ကိုအလွန်ချစ်ပါသည်


B

ခင်သည် ကျွန်တော့်၏
အဖျားငွေ့ငွေ့လေးဖြစ်ပါသည်


C

ခင်ကလွဲလျှင်
မည်သည့်အရာကိုမဆို
ကျွန်တော်ခြိုးခြံ၍ရပါသည်


D

ကျွန်တော့်၏စိတ်ပေါ်တွင်
အမာရွတ်ကလေးပေါင်းမြောက်များစွာကို
ခင်သည်လှပစွာစီချယ်ပေး၏။


E

တစ်နေ့သ၌
ကျွန်တော်တစ်ယောက်သည်
သစ်ပင်လေးတစ်ပင်အောက်၌ထိုင်နေခဲ့ပါသည်။
ထိုစဉ် ကျွန်တော့်နံဘေးသို့ကပ်လျက်
သစ်ရွက်လေးတစ်ရွက်(ဖြုတ်ခနဲ)ကြွေကျလာသည်။
ထိုအခါ
ကျွန်တော်သည် ပြာပြာသလဲ
ဤနေရာတွင်လူရှိသည်ဟု
ပြောလိုက်မိပါသည်ခင်


F

ကျွန်တော်သည်
ခင့်ကိုလွမ်းနေပါ၏။

ခင်ဟူ၍
ရင်တုန်လာသဖြင့်
လက်ကလေးနဲ့ဖိထားရပါသည်။

ခင်ဟူ၍
ခေါင်းမူးလာသဖြင့်
ငြိမ်ငြိမ်လေး ထိုင်နေရပါသည်။

ွ
G

လွမ်း၏ပုံတူကိုခင်ကြည့်မည်ဆိုလျှင်
ကျွန်တော်အဝတ်စတစ်ခုပေါ်၌
တိမ်လှလှလေးများကို ရေးပြမည်ဖြစ်ပါသည်။


ံH

ကျွန်တော်သည်
ခင်ရှိရာအရပ်သို့
မျက်နှာမူကာ
အသက်ရှူနေ၏။


ှုI

ကောင်းကင်၌
ငှက်တစ်အုပ်
ပျံသန်းသွားသည်။
ဘယ်ကလာသည်မသိ
ဘယ်ကိုသွားမည်မသိ
ဘာငှက်တွေဟူ၍လည်းမသိ။


ဲJ

ကျွန်တော်သည်
လူမှန်းသိလာ၏။
ထိုငှက်များကိုလည်း
ဗျိုင်းဟူ၍သိလာခဲ့သည်။
သို့သော်
ဗျိုင်းတို့ မည်သည့်အရပ်မှလာ၍
မည်သည့်အရပ်သို့ ပျံသန်းနေကြသည်ကိုမူ
ယခုထက်တိုင်မသိ၊
ထိုမသိမှု၌ပင်လျှင်
ကျွန်တော်သည်
စိတ်၏အတောင်ပံများကို
ဖြန့်လျက်
ခင့်ဆီသို့ ပျံသန်းနေ၏။


K

(Khin)
သို့မဟုတ်
ခင့်အတွက် ကျွန်တော်၏မွေးနေ့လက်ဆောင်ဖြစ်ပါသည်။
ကျေးဇူးပြု၍အသံထွက်မဖတ်ပါနှင့်။


ကေဇော် ၁၉၈၅

ဥစ္စာရူး

အလွမ်းတွေနဲ့
ယားယံနေတဲ့
ငါးမူးစေ့လေးတစ်စေ့အကြောင်း

ကံကောင်းချင်တော့
ကျွန်တော်နဲ့သူမ ချစ်သူတွေဖြစ်ခဲကြတယ်။
ကံဆိုးချင်တော့
ကျွန်တော့်မှာတယ်လီဖုန်းလေးတစ်လုံးမရှိခဲ့ဘူး။
ဟုတ်ပါရဲ့။
ကျွန်တော်တို့မိသားစုဆင်းရဲလိုက်ပုံများ
တယ်လီဖုန်းလေးတစ်လုံးတောင်မှ
အိမ်မှာမထားနိုင်ဘူး
အဖေအမေတို့ကလည်း
တစ်နေ့မှာသူတို့သားလေးဟာ တယ်လီဖုန်းရှိတဲ့အိမ်က
သမီးပျိုလေးနဲ့ ချစ်သူဖြစ်လိမ့်မယ်ဆိုတာကို
မသိခဲ့ကြဘူးနဲ့တူပါရဲ့။
တကယ်လို့ အစောကသာသိခဲ့ရင်တော့
သားလေးရဲ့နောင်ရေးအတွက်
တယ်လီဖုန်းလေးတစ်လုံးဖိုးကို
သူတို့ပိုရှာခဲ့ကြမှာပေါ့။

ခုတော့
ကျွန်တော်ကံဆိုးလိုက်ပုံများ
ကျွန်တော့မှာတယ်လီဖုန်းလေးတစ်လုံးတောင်မှ မရှိဘူး။
ဒါပေမယ့်
ကျွန်တော်ကံကောင်းချင်တော့
ကျွန်တော်တို့နိုင်ငံမှာ
ငါးမူးစေ့တစ်စေ့ထည့်ပြီးအသုံးပြုလို့ရတဲ့
တယ်လီဖုန်းလေးတွေ အများကြီးရှိနေလို့ တော်ပါသေးရဲ့။
ငါးမူးစေ့လေးကို ကျွန်တော်တယ်လီဖုန်းထဲ ထည့်လိုက်တဲ့အခါ
တယ်လီဖုန်းထဲကို ဂျောက်ခနဲ ကျသွားတဲ့ ငါးမူးစေ့လေးဟာ
ကျွန်တော်ဖြစ်ပြီး
ကျွန်တော့်ရင်ထဲကို ဂျောက်ခနဲကျလာတဲ့ ငါးမူးစေ့လေးဟာ
သူမဖြစ်ပါတယ်။

တခြားအချိန်တွေမှာ
ကျွန်တော်ဟာ
သာမန်လူသားလေးတစ်ယောက်ပါပဲ။
ကျွန်တော့်ဘဝမှာစိတ်ကြီးဝင်စရာဆိုလို့
ဘာမှမရှိပါဘူး။
ဒါပေမယ့်
သူမရဲ့အသံလေးကို
နှလုံးသားနဲ့ လတ်လတ်ဆတ်ဆတ်ကြားနေရတဲ့ အခါမျိုးမှာတော့
ကျွန်တော်ဟာ ဘဝမေ့တတ်ပါတယ်။
ဘူတာရုံကို ငါးမူးစေ့လေးတစ်စေ့နဲ့
တယ်လီဖုန်းဆက်ဖို့လာတဲ့ ကောင်လေးမဟုတ်တော့ဘဲ
နတ်သားလေးတစ်ပါးလို့ထင်မိတယ်။
သူမအသံကြားရတဲ့အတွက်
နှလုံးသားဟာ ကိုယ်ရောင်ကိုယ်ဝါတွေ
တောက်ပလွန်းနေလို့ပေါ့၊
လူ့အဖြစ်ကိုရဖို့ မလွယ်ဘူး၊
လူသားအားလုံး
တယ်လီဖုန်းလေးနဲ့ ချစ်စကားပြောဖူးသင့်တယ်။
အထူးသဖြင့် ကျွန်တော့်လို
ဘူတာရုံက တယ်လီဖုန်းလေးနဲ့ ချစ်စကားပြောမိရင်တော့
ပိုပြီးအရသာ ထူးကဲမယ်။

ဂျုံး ဂျုံး ဂျက် ဂျက် ၊ ဂျုံး ဂျုံး ဂျက် ဂျက်

အဲဒီမီးရထားကြီးတွေက တခြားဘူတာရုံတစ်ခုကိုရောက်ဖို့အတွက်
အချိန်တော်တော်ကြာကြာ စီးရပေဦးမယ်။

ဂျုံး ဂျုံး ဂျက် ဂျက် ၊ ဂျုံး ဂျုံး ဂျက် ဂျက်

အဲဒီခရီးသွားတွေက သူတို့ဘဝ ရည်မှန်းချက်အသီးသီးကိုရောက်ဖို့
မီးရထားကြီးကို အချိန်တော်တော်ကြာကြာ စီးရပေဦးမယ်။
အဲဒီအချိန်မှာ ကျွန်တော်က သူမနားရွက်ကလေးထဲကို
ရောက်ရှိနေပြီမို့ ဘဝရည်မှန်းချက်အားလုံးကို
တယ်လီဖုန်းလေးထဲမှာဘဲ ပြီးဆုံးလိုက်နိုင်တယ်။

တူ ဝူ

ဒါကိုမသိတဲ့ ခရီးသွားတွေနဲ့ ကျွန်တော့်လို ကံမကောင်းတဲ့
မီးရထားရှည်ကြီးကတော့ အဝေးကိုပဲ
နေ.စဉ်မောင်းနှင်ရရှာတယ်။

ဂျုံး ဂျုံး ဂျက် ဂျက် ၊ ဂျုံး ဂျုံး ဂျက် ဂျက်

သူမဟာ ဝတ်ဆံကူးနည်းဖြစ်တယ်။
သူမနဲ့စကားပြောရတာ စတုတ္တတန်းသင်္ချာထက်
ပျော်စရာကောင်းတယ်။
သူမကိုအာရုံပြုလိုက်တဲ့အခါ မိုးတိမ်ဖြစ်ပေါ်ပုံကို
မြင်ရတယ်။
သူမရဲ့နာမည်က အရှက်တရားထူထပ်သော ဓါတ်သတ္တုအရိုင်းများလို့ ခေါ်တယ်။
ဒါဟာလည်းကျွန်တော့်အတွက်တော့ ကမ္ဘာ့သမိုင်းပါပဲ။
အဖေအမေတို့လည်းအသိမဟုတ်လား။
ကျွန်တော့်မှာ မျက်ရစ်ကလေးမပါဘူးဆိုတာ
အဲဒီနေ့က
အဝေးကိုသွားမယ့် မီးရထားဥဩသံတွေဟာ
ကျွန်တော်နဲ့ တစ်စုံတစ်ရာ
ပတ်သတ်နေတယ်ဆိုတာ မသိခဲ့ဘူး။
နောက်တစ်နေ့မှာ
ကျွန်တော့်အတွက် အဓိပါယ်ရှိမှာမဟုတ်တဲ့
ငါးမူးစေ့ကလေးတွေ လက်ထဲအပြည့်ထည့်လို့
ဘဏ်တိုက်ကြီးတစ်ခုကို အေးအေးဆေးဆေး
(လုံးဝနောက်ဆံမတင်းဘဲ)ကျောပေးပြီး
အိမ်ကိုပြန်ခဲ့တယ်။

နောက်တစ်နေ့
ငါးမူးစေ့လေးတွေအများကြီးထဲက
ပထမဆုံးငါးမူးစေ့လေးနဲ့ သူမဆီဖုန်းဆက်တော့

ဂျုံး ဂျုံး ဂျက် ဂျက် ၊ ဂျုံး ဂျုံး ဂျက် ဂျက်

သူမကျွန်တော့်ကိုမုန်းသွားပြီတဲ့။
ဖြစ်ပုံကဒီလိုပါ။
ကျွန်တော့်အတိတ်ဘဝမှာ မေ့ကျန်ခဲ့တဲ့
မျက်ရစ်လေး သူမက တယ်လီဖုန်းကနေတဆင့်
လှမ်းပေးလိုက်လို့ပါပဲ။
အချစ်ရေ
သိပ်စိတ်တိုတယ်။
ရှိသမျှ ငါးမူးစေ့တွေကို
လက်ထဲထည့်ပြီး အကုန်ပစ်ကြဲလိုက်တယ်။
ကံဆိုးလိုက်ပုံများ
ရည်းစားနဲ့ကွဲလို့ ပိုက်ဆံကြဲတဲ့ ငါးမူးစေ့သူဌေးကြီးကို
ဘယ်ကလေးကမှ သာဓုမခေါ်ကြဘူးကွယ့်။
ဘာပဲဖြစ်ဖြစ်
အခါတစ်ပါး၌ နားရွက်လေးတစ်ဖက်၏အမုန်းကြောင့်
ကျွန်တော့်တွင် ငါးမူးစေ့များစွာ မျိုးတုန်းခဲ့ရသည်-
ဆိုတာကတော့
ထိုးဇာတ်မဟုတ်ပါဘူး ကမ္ဘာကြီးရယ်
ဒါပေမယ့် ကြံကြံဖန်ဖန် ကံကောင်းချင်တော့
ငါးမူးစေ့လေးတစ်စေ့ဟာ တယ်လီဖုန်းစာအုပ်ထဲမှာ
ကုတ်ကတ်ပြီး ကျန်နေခဲ့တယ်။
ရုတ်တရက် စာအုပ်ကိုလှန်လိုက်တုန်းကများ
ငါးမူးစေ့လေးခမျာ ရင်တုန်ပန်းတုန်နဲ့၊
အပြစ်တင်ရင်လည်းခံရုံပဲ
ဒီတစ်ခါတော့ ကျွန်တော်လွှတ်မပစ်မိပါဘူးဗျာ၊
ဒါဟာ ကိုယ်ချင်းစာတရားပါလို့
အတိအကျမပြောရဲပေမယ့်
တစ်ယောက်တည်း ကျန်ခဲ့တဲ့လူသားဟာ
တစ်စေ့တည်းကျန်ခဲ့တဲ့ ငါးမူးစေ့လေးအပေါ်မှာ
ရန်မီးမပွားနိုင်တော့ဘူးဗျာ။
နောက်ဆုံး ငါးမူးစေ့လေးလို့
အမည်ပေးပြီး သိမ်းထားလိုက်တယ်။
တဆက်တည်းမှာပဲ
နှလုံးသားပေါ်ကို မျှော်လင့်ချက်လေးတွေ တဖွဲဖွဲကျလာပြီး
သူမကိုနောင်တစ်ချိန်ချစ်တယ်ပြောခွင့်ရမှ ဒီဘဝမှာ
ငါးမူးစေ့လေးကို သုံးမယ်လို့ စိတ်ဆုံးဖြတ်လိုက်တယ်။
(အကြံကောင်းတော့တစ်ချက်) တကယ်လို့များ။
ဖွ ..... ဖွ
တကယ်လို့များပေါ့လေ။
ကံမကောင်းလို့ ဒီတစ်သက် သူမနဲ့ဖုန်းမဆက်ရတော့ဘူးဆိုရင်လည်း
ဒီငါးမူးစေ့လေး(နောက်ဆုံးငါးမူးစေ့)ကိုတခြားမှာမသုံးတော့ဘူးလို့
သန္ဒိဌာန်ချလိုက်တယ်။

ဒါပေမယ့် ကျွန်တော်ဟာ အကြံကောင်းပေမယ့်
ကံမကောင်းတဲ့သူပါဗျာ။
ရက် လ နှစ် တွေရင့်ညောင်း
လက္ခဏာရေးအကြောင်းတွေ မြင့်မားပြောင်းလဲခဲ့ပေမယ့်
သူမနဲ့ဆုံဆည်းဖို့ အခါကောင်းကတော့ဖြင့်
ရောက်မလာခဲ့ပါဘူး။
ကျွန်တော်ကသာ မျှော်လင့်နေရတယ်၊
ကံတရားကတော့ဖြင့်
သွားချင်ရာ လျှောက်သွားနေတာပဲ ထင်ပါရဲ့။
တစ်ခါတစ်ခါတော့ တစ်နေ့တစ်ခြားပိုလှလာတဲ့
ကျွန်တော့်မျက်ရစ်ကလေးကိုကြည့်ပြီး
ကျွန်တော့်မျက်လုံးလေးက ပိုပိုငိုမိတယ်။
ကြည့်ပါဦးဗျာ နောက်ဆုံးငါးမူးစေ့လေးတွေဟာ ချေးတွေတက်လို့။
သူ့မှာ အိပ်မက်တွေလည်း မကောင်းဘူးတဲ့။
ကျွန်တော့်မှာ ဆက်သွယ်စရာ တယ်လီဖုန်း ၁၀၀ ရှိရင်
စာအုပ်ထဲမှာ ၉၉ လုံးပဲ မှတ်ထားလေ့ရှိတယ်။
ဘာဖြစ်လို့လည်းဆိုတော့ ကျွန်တော့်နာမည်ကိုတောင်မှ
သူမရဲ့ဖုန်းနံပါတ်လောက် အစွဲအလမ်း မကြီးလို့ပါပဲ။
(ရေးမှတ်မထားတဲ့ တယ်လီဖုန်းနံပါတ်လေးကို လွမ်းတဲ့အခါ)
စာအုပ်ထဲမှာရှိတဲ့ တယ်လီဖုန်း ၉၉ လုံးရဲ့ နံပါတ်တွေကို
ကယောင်ချောက်ချား လျှောက်ကြည့်နေမိတယ်။
နောက်ပြီး ဘယ်သူ့ဆီမှ မဆက်ဘဲ နေမိတယ်။

အခုကျွန်တော့်အိမ်မှာ
တယ်လီဖုန်းအသစ်ကလေးတစ်လုံးရောက်နေတယ်၊
ကျွန်တော်နဲ့မပတ်သတ်ဘူး။
မိသားစုရဲ့တယ်လီဖုန်းဖြစ်ပါတယ်။
လူ့ဘဝမှာ
ဘယ်တော့မှ တယ်လီဖုန်းမဆက်တဲ့ လူတစ်ယောက်အဖြစ်နဲ့
ကျွန်တော်အရိုးထုတ်သွားရတော့မှာလား။
ကျွန်တော့်အဖြစ်က ဆိုးပါတယ်။
ညဉ့်နက်သန်းခေါင် အိပ်ကောင်းတုန်းပေမယ့်
“ ချွင် လွင် လွင်” ဆိုတဲ့ အသံမျိုးကြားရင် လန့်နိုးတယ်။
ကျွန်တော့်ရဲ့နောက်ဆုံး ငါးမူးစေ့လေးများ
အပြင်ထွကကျသလားလို့ပါ။
တစ်ခါတစ်လေ
သူတစ်ပါးလက်ထဲမှာ ငါးမူးစေ့အဟောင်းလေးကို မြင်ရင်လည်း
ကျွန်တော့်ငါးမူးစေ့လေးကို ထိတ်ထိတ်ပျာပျား ထုတ်ကြည့်မိတယ်။
နေထိုင်မကောင်းလို့ အိပ်ရာထဲလဲနေတဲ့အခါမျိုးမှာတောင်မှ
ငါးမူးစေ့လေးကို ခေါင်းအုံးဘေးထားပြီး အိပ်ရမှ
ဘယ်လောက်ဝမ်းနည်းစရာ ကောင်းသလဲ။

နောက်ဆုံးငါးမူးစေ့လေးအပေါ်မှာ
ကျွန်တော်အစွဲအလမ်းကြီးခဲ့တယ်၊
ဥပါဒါန်ကြောင့်ဥပါဒ်ဖြစ်တယ်လို့
ကျွန်တော်တို့ မြတ်စွာဘုရားက ဟောကြားထားပါတယ်။
သူမကို ကျွန်တော်က ဥပါဒါန်ဖြစ်ခဲ့ပြီး
ငါးမူးစေ့လေးဟာ ကျွန်တော့်အတွက် ဥပါဒ်ပေးနေပြီလား၊
ဘာပဲဖြစ်ဖြစ် ငါးမူးစေ့လေးကို လွှင့်မပစ်နိုင်ပါ။
မှန်တာပြောသစ္စာ
တစ်ယောက်သောသူက
ရွှေဒင်္ဂါးနဲ့လဲမယ်ဆိုရင်လည်း မလဲနိုင်ပါ။
တစ်ယောက်သောသူက
မြို့ရွာတွေနဲ့ လဲမယ်ဆိုလည်း မလဲပါ။
ဘာကြောင့်လည်းဆိုတော့
သူမကို ကျွန်တော် နောက်တစ်ချိန် ချစ်စကားပြောခွင့်ရမှ
သုံးမယ်လို့ဆုံးဖြတ်ထားတဲ့
နောက်ဆုံးငါးမူးစေ့လေးမို့ပါ။
တကယ်လို့များ
ကျွန်တော်အသက်ကြီးသွားရင်လည်း
ငါးမူးစေ့လေးကို သိမ်းထားနေဦးမှာ သေချာပါတယ်။
ချေးတက်နေတဲ့ ငါးမူးစေ့လေးနဲ့
အဖိုးကြီးအို ခါးကုန်းကုန်းပေါ့ဗျာ။

ကုန်ကုန်ပြောမယ်ဗျာ
ကျွန်တော် သေသွားရင်တောင်
အဲဒီငါးမူးစေ့လေးကို
ကျွန်တော့်အိပ်ကပ်ထဲ ထည့်ပေးလိုက်ကြပါ။
သူမက ကျွန်တော့်ကို တမလွန်ကျမှ
တယ်လီဖုန်းဆက်ချင် ဆက်နေမှာမို့ပါဗျာ။

ကေဇော် ၁၉၈၆
နှင်းရည်စက်လက်+ရှုမျှော်ခင်း၂၃ ကဗျာစာအုပ်မှ

ကိုညီလင်းဆက် ၏ဘလော.ဂ်မှကူးယူဖော်ပြလိုက်ပါတယ်။
မှတ်ချက် = ကေဇော် ၁၉၈၆ ဆိုသည်မှာ ။ အဆိုတော် မင်းသား မန္တလေးသိန်းဇော် ဖြစ်ပါတယ်။ ကျွန်တော်မန္တလေးသိန်းဇော်ကို အရမ်းကြိုက်ပါတယ်။ သူဆိုတဲ.သီချင်းတွေကော သူ.ရဲ.အသံကိုကောအင်မတန်မှ နှစ်သက်ပါတယ်။ အထူးသဖြင်.သူ.ကဗျာတွေပေါ.ဗျာ။ သူ.ကဗျာတွေက သိပ်ကိုချစ်စရာကောင်းပါတယ်။ထပ်မံဖော်ပြပေးပါဦးမယ်။